IIT Bombay: धक्कादायक! आता IIT मध्येही नोकरीची गॅरंटी नाही; 36 टक्के विद्यार्थी नोकरीपासून वंचित

एक अग्रगण्य शैक्षणिक संस्था अशी ओळख असलेल्या आयआयटीबाबत चिंताजनक बातमी समोर आली आहे. आयआयटी मुंबईतील नुकत्याच उत्तीर्ण झालेल्यांपैकी 36 टक्के विद्यार्थी नोकऱ्या मिळवण्यात अपयशी ठरलेत. त्यामुळे देशातील बेरोजगारीची चिंता वाढत चालली आहे. आयआयटी आणि आयआयएम म्हणजे 100 टक्के नोकऱ्यांची हमी असे म्हटले जाते.

मात्र, आयआयटी मुंबईतील नवीन विद्यार्थ्यांच्या बॅचला मोठा धक्का बसला आहे. नवीन बॅचमधील 36 टक्के विद्यार्थी नोकऱ्या मिळवण्यात अपयशी ठरल्याचं एका अहवालातून स्पष्ट झालं आहे. 2024मध्ये प्लेसमेंटसाठी नोंदणी केलेल्या अंदाजे 2 हजार विद्यार्थ्यांपैकी 712 विद्यार्थ्यांना अद्याप नोकऱ्या मिळालेल्य नाहीत.