Sandeep Deshpande: मनसेची कार्यकारणी बरखास्त होणार ? राज ठाकरे काय निर्णय घेणार ?

महापालिका निवडणुकांच्या पार्श्वभूमीवर मनसे प्रमुख राज ठाकरे मोठा निर्णय घेण्याची शक्यता आहे. राज्यातल्या प्रत्येक जिल्ह्यातील मनसेच्या सर्व कार्यकारणी बरखास्त होणार अशी सूत्रांनी माहिती दिली आहे. त्याचसोबत नवीन पदाधिकाऱ्यांची नियुक्ती होणार असल्याची देखील माहिती समोर आली आहे.

मनसे पक्षप्रमुख राज ठाकरे त्यांचा 3 दिवसांचा नाशिक दौरा अर्धवट सोडून मुंबईच्या दिशेने रवाना झाले आहेत. निराशा जनक परिस्थिती पाहून राज ठाकरेंनी त्यांचा नाशिकचा दौरा एकच दिवसात आटोपला आहे. तर दुसऱ्या दिवशी दौरा सोडून मुंबईला रवाना झाल्यामुळे चर्चांना उधाण आलं आहे.

तसेच निष्क्रिय पदाधिकाऱ्यांना खडसावले, सहा तास वन टू वन चर्चा करत नवीन कार्यकारणी नियुक्त करण्याचा निर्णय घेणार असल्याची माहिती समोर आली आहे. याचपार्श्वभूमीवर मनसे नेते संदीप देशपांडे म्हणाले की, पक्षामध्ये कुठे ही मरगळ आढळत असेल, कोण पदाधिकारी काम करत नसतील तर पक्ष अध्यक्ष म्हणून राज ठाकरे त्यावर योग्य तो निर्णय घेतली, अशी शक्यता मनसे नेते संदीप देशपांडे यांनी वर्तावली आहे.