Solapur Heavy Rain : सोलापूर जिल्ह्यातील ग्रामीण भागात शाळांना सुट्टी जाहीर

थोडक्यात

• सोलापूरमध्ये मुसळधार पाऊस

• सोलापूर जिल्ह्यातील ग्रामीण भागात शाळांना सुट्टी जाहीर

• नदीकाठच्या गावांना सतर्कतेचा इशारा

( Solapur Heavy Rain) सोलापूरमध्ये मुसळधार पाऊस कोसळत आहे. अनेक गावांमध्ये पूरस्थिती निर्माण झाली आहे. त्यामुळे जनजीवन विस्कळीत झाले असून शेतकऱ्यांच्या पीकांचे अतोनात नुकसान झालं आहे.

राज्यात गेल्या काही दिवसांपासून ढगाळ वातावरणासह हलक्या सरी बरसत आहेत. सोलापुरातील अक्कलकोट, बार्शी, मोहोळ तालुक्यात जोरदार पाऊस आहे. नदीकाठच्या गावांना सतर्कतेचा इशारा देण्यात आला आहे. याच पार्श्वभूमीवर आता सोलापूर जिल्ह्यातील ग्रामीण भागात शाळांना सुट्टी जाहीर करण्यात आली आहे.

सोलापूर जिल्ह्यात सतत पडणाऱ्या पावसामुळे शाळांना सुट्टी देण्यात आली आहे. सोलापूर जिल्ह्यातील अतिवृष्टीमुळे हा निर्णय घेण्यात आला असून जिल्हा प्रशासनाकडून जाहीर करण्यात आले. सोलापूर जिल्ह्यातील उत्तर सोलापूर ग्रामीण, माढा, करमाळा, मोहोळ, बार्शी, दक्षिण सोलापूर तालुक्यातील नगरपरिषद, जिल्हा परिषद शाळांना सुट्टी जाहीर करण्यात आली आहे.