Maharashtra Weather Update : दिवाळीतही हवामानात बदल! हलक्या पावसाच्या सरी कोसळणार

थोडक्यात

• दिवाळीतही हवामानात बदल

• हलक्या पावसाच्या सरी कोसळणार

• दिवाळीतही ढगाळ वातावरण, हलक्या सरींची शक्यता

(Maharashtra Weather Update ) राज्यात पावसाच्या जोरदार सरी बरसल्या. अनेक गावांमध्ये पूरस्थिती निर्माण झाली. त्यामुळे जनजीवन विस्कळीत झाले असून शेतकऱ्यांच्या पीकांचे अतोनात नुकसान झालं. काही ठिकाणी ढगाळ वातावरणामुळे उकाड्यात वाढ झाली आहे.

राज्यातून पाऊस परतताच गेल्या काही दिवसांपासून प्रचंड उकाडा जाणवत आहे. अनेक भागांत दमट वातावरणामुळे नागरिक हैराण झाले. यातच आता पुन्हा एकदा पावसाला सुरुवात होणार आहे. ऐन दिवाळीत पावसाच्या सरी कोसळणार असण्याची शक्यता हवामान विभागाकडून व्यक्त करण्यात आली आहे.

15 ऑक्टोबर ते 20 ऑक्टोबरपर्यंत राज्यात ठिकठिकाणी ढगाळ वातावरण राहण्याची शक्यता आहे. तर मुंबईत 16 आणि 17 ऑक्टोबर रोजी हलक्या सरींचीही शक्यता आहे.तुरळक ठिकाणी मेघगर्जनेसह हलका ते मध्यम स्वरूपाचा पाऊस पडू शकतो.

महाराष्ट्रातून पावसाची तीव्रता कमी झाली असली तरीही पावसाच्या सरी कोसळणार असण्याची शक्यता हवामान विभागाकडून व्यक्त करण्यात आली आहे. तर राज्याच्या काही भागांमध्ये पावसाचा जोर ओसरणार असल्याचा इशारा दिला आहे.