Virat Kohli : विराट कोहलीने तोडले सर्व रेकॉर्ड, एका इंस्टाग्राम पोस्टवरून कमवतो एवढे पैसे

आपल्या क्रिकेट कारकिर्दीत आतापर्यंत अनेक मोठे टप्पे गाठणारा भारताचा माजी कर्णधार विराट कोहलीही मैदानाबाहेर आहे. विराटला आपला आदर्श मानणाऱ्यांची कमी नाही. सोशल मीडियावरही तो सुपरहिट आहे. विराटचे इंस्टाग्रामवर 21 कोटींहून अधिक फॉलोअर्स आहेत.

विराट कोहली हा इंस्टाग्रामवर सर्वाधिक फॉलो केल्या जाणाऱ्या खेळाडूंपैकी एक आहे. क्रिकेटपटूंच्या यादीत तो पहिल्या क्रमांकावर आहे. एकूण खेळाडूंच्या यादीत तो चौथ्या क्रमांकावर आहे. त्याच्या वर क्रिस्टियानो रोनाल्डो, लिओनेल मेस्सी आणि नेमार आहेत.

विराट कोहलीनेही इन्स्टाग्रामवर एका पोस्टवरून कमाई वाढवली आहे. Hopper HQ च्या रिपोर्टनुसार, विराट आता एका इंस्टाग्राम पोस्टवरून 8 कोटी रुपये कमावतो. त्याचे 215 दशलक्ष फॉलोअर्स आहेत.

इंस्टाग्रामवर जगातील सर्वाधिक कमाई करणाऱ्या सेलिब्रिटींच्या यादीत विराट कोहली 14व्या स्थानावर आहे. या यादीत टॉप-15 नावांमध्ये स्थान मिळवणारा तो एकमेव भारतीय आहे.

विराट कोहली बर्‍याच ब्रँड्सना अॅन्डॉर्स करतो म्हणजेच त्यांचा प्रचार करतो. याशिवाय तो स्वतःची कंपनी देखील चालवतो जी अगदी शूज-कपडे आणि परफ्यूम बनवते.