विधानसभा निवडणुकीसाठी सर्वच राजकीय पक्ष तयारीला लागले आहेत. यातच निवडणूक आयोगाने पत्रकार परिषद घेऊन निवडणुकांच्या तारखा जाहीर केल्या. त्यानंतर राजकीय वर्तुळातून अनेक प्रतिक्रिया येत आहेत.
यातच उमेदवारांच्या याद्या जाहीर केल्या जात असून राजकीय वर्तुळात अनेक घडामोडी घडत आहेत. याच पार्श्वभूमीवर राष्ट्रवादी काँग्रेस शरदचंद्र पवार पक्षाकडून उमेदवारी जाहीर होतात अभिजीत पाटलांनी मनोज जरांगे पाटील यांची भेट घेतली आहे.
पक्षाकडून अधिकृत उमेदवारी जाहीर झाल्यानंतर अभिजीत पाटील थेट अंतरवली सराटीला रवाना झाले आणि दोघांमध्ये अर्धा तास चर्चा झाल्याची माहिती मिळत आहे. अभिजीत पाटील आज पक्षाकडून उमेदवारी अर्ज दाखल करणार असून अभिजीत पाटलांची लढत माढ्याचे आमदार बबन दादा शिंदे यांचा मुलगा रणजितसिंह शिंदे यांच्यासोबत असणार आहे.