सूरज दाहाट -अमरावती | अकोला (Akola) येथे आयोजित युवक काँग्रेसचा (Congress) कार्यक्रम आटपून अमरावतीला परत येणाऱ्या युवक काँग्रेस पदाधिकाऱ्यांच्या वाहनाला दर्यापूर जवळ आराळा येथे ट्रकने धडक दिली. शनिवारी रात्री 12.30 वाजेच्या सुमारास झालेल्या या अपघातात युवक काँग्रेस अमरावती (Amravati) लोकसभा महासचिव रोहित अजय देशमुख (Rohit Ajay Deshmukh) (27) हे जागीच ठार झाले. या घटनेमुळे काँग्रेस कार्यकर्त्यांवर शोककळा पसरली आहे.

पाच जण जखमी

या अपघातात रोहित देशमुख यांच्यासोबत कारमध्ये असणारे युवक काँग्रेसचे अमरावती विधानसभा अध्यक्ष वैभव देशमुख (Vaibhav Deshmukh) , चांदुर रेल्वेचे माजी आमदार वीरेंद्र जगताप (Virendra Jagtap) यांचा मुलगा परीक्षित जगताप, युवक काँग्रेसचे मेळघाट विधानसभा अध्यक्ष पंकज मोरे (Pankaj More) आणि वाहनचालक व सनी नावाचा युवक जखमी झाले आहेत. त्यांच्यावर जिल्हा सामान्य रुग्णालयात उपचार सुरू आहेत.