भारतीय संरक्षण दलाचे प्रमुख जनरल बिपीन रावत यांच्या हेलिकॉप्टरचा तामिळनाडूमध्ये अपघात झाल्याची दुदैवी घटना समोर आली आहे. या अपघातात मृतांचा आकडा 11 वर गेला आहे. तर सीडीएस रावत गंभीर जखमी आहेत. यासंदर्भात अधिकृत माहिती संरक्षण मंत्री राजनाथ सिंह थोड्याच वेळात संसदेत देणार आहे. त्यानंतर ते घटनास्थळी रवाना होण्याची शक्यता आहे.

तामिळनाडूत कोईम्बतूर आणि सुलूरदरम्यान कुन्नूर येथे हे Mi- 17V5 हेलिकॉप्टर कोसळलं आहे. संरक्षण दलाचे प्रमुख जनरल बिपीन रावतदेखील हेलिकॉप्टरमधून प्रवास करत होते. हवाई दलाने या माहितीला दुजोरा दिला आहे. हेलिकॉप्टरमधील प्रवाशांना वाचवण्याचे काम सुरू आहे. यामध्ये १४ जण प्रवास करतो होते, त्यापैकी ३ जणांना वाचवण्यात यश आले आहे. माहितीनुसार बिपिन रावत एका व्याख्यानमालेत सहभागी होणार होते. यानंतर बिपीन रावतांवर रुग्णालयात दाखल केले असून त्यांच्यावर उपचार सुरु आहे.