केंद्रीय अर्थमंत्री निर्मला सीतारामन यांनी 2026-27 आर्थिक वर्षासाठीचा अर्थसंकल्प सादर केला. त्यात तंबाखूजन्य पदार्थ आणि सिगारेटवर नवीन कर लागू करण्याची घोषणा केली असून, हा कर 1 फेब्रुवारीपासून प्रभावी होईल.

सिगारेटच्या भाववाढीबाबत नागरिक उत्सुक आहेत. आधी सिगारेटवर २८% GST आणि २०१७ पासून लागू असलेला कंपन्सेशन सेस आकारला जात होता. नवीन करामुळे आता सिगारेटच्या किमतींमध्ये वाढ होण्याची शक्यता आहे.

जुनी करप्रणाली बंद करून नवीन योजनेअंतर्गत सिगारेटवर ४०% GST, एक्साईज ड्युटी आणि हेल्थ व नॅशनल सिक्योरिटी सेस आकारला जाणार आहे. परिणामी, प्रत्येक सिगारेटच्या किमतीत लक्षणीय वाढ होईल.

दहा रुपयांच्या सिगारेटवर आता २ ते ३ रुपयांची एक्साईज ड्युटी लागू होणार आहे. परिणामी, या सिगारेटच्या किमती आता १२ ते १३ रुपयांपर्यंत वाढण्याची शक्यता आहे.

पूर्वी १० सिगारेटच्या पॅकेटची किंमत १०० रुपये होती, आता ती १३० ते १४० रुपयांपर्यंत वाढणार आहे. प्रिमियम सिगारेटही महागणार असून, एका सिगारेटच्या किमतीत ३.६ ते ४ रुपये वाढ होईल.