राज्यात कोरोनाचा उद्रेक झाला आहे. राज्य सरकारनं उभारलेल्या जम्बो कोविड सेंटरपैकी काही खासगी रुग्णालयांनी दत्तक घ्यावेत, असं आवाहन मुख्यमंत्री उद्धव ठाकरे यांनी केलं आहे. मुख्यमंत्र्यांनी राज्यातील खासगी रुग्णालयांच्या संचालकांशी संवाद साधला.
महाराष्ट्र एकवटतो तेव्हा तो जिंकतो, कोरोनाविरुद्ध एकवटून त्याला हरवुया आणि त्यात तुम्ही महत्त्वाचा दुवा आहात, असं मुख्यमंत्री म्हणाले. जम्बो कोव्हिड सेंटरमध्ये खासगी रुग्णालयातील डॉक्टरांचा राऊंड झाल्यास उपचारात मदत होईल आणि लोकांच्या मनात या सेंटरविषयी असलेली भावना दूर होईल, असं मुख्यमंत्री म्हणाले.