जम्मू-काश्मीरमधील पहलगामध्ये पर्यटकांवर दहशदवादी हल्ला झाला. या हल्ल्यात 26 हुन अधिक लोक मृत्युमुखी पावले. यादरम्यान आता भारतातून मोदी सरकार अॅक्शनमोडवर आल्याच पाहायला मिळत आहे. पहलगामध्ये झालेल्या हल्ल्यानंतर सुरक्षा दलाकडून हल्ला करणाऱ्या दहशदवाद्यांचा शोध सुरू आहे. हल्ल्यानंतर काही क्षणात हल्ला करणाऱ्या दहशदवाद्यांचा फोटो सोशल मीडियावर मोठ्या प्रमाणात व्हायरल होऊ लागला.
त्यानंतर त्यांच्यातील काही दहशदवाद्यांवर 20 लाखांच बक्षीस जारी करण्यात आलं आहे. त्यामुळे अनेक जणांकडून हल्ल्याच्या वेळी त्या दहशदवाद्यांना पाहिल्याचा दावा करत आहेत. अशातच जम्मू-काश्मीरवरुन परतलेल्या उत्तर प्रदेशातील जौनपूरच्या एकता तिवारी यांच्या ग्रुपची त्या दहशदवाद्यांपैकी दोघांसोबत भेट झाली असून त्यांच्या ग्रुपसोबत थोडा वाद झाल्याचं एकता तिवारी यांनी सांगितलं.
यादरम्यान सांगताना एकता तिवारी म्हणाल्या की, "आमच्या ग्रुपमध्ये 20 जण होती आणि आम्ही 13 एप्रिलला जम्मू-काश्मीरमध्ये आलो. त्यानंतर 20 एप्रिलला पहगाम फिरण्यासाठी गेलो. ज्यावेळी आम्ही पहलगाममध्ये होतो त्यावेळेस खेचरावरुन जात असताना दोन जण आम्हाला भेटले. त्यावेळी ते आम्हाला आमच्या धर्माबद्दल विचारत होते. आमचा किती जणांचा ग्रुप आहे? तसेच कुराण वाचायला येत का? असं देखील त्या दोघांनी विचारलं".
"एवढचं नाही तर माझ्या भावाने रुद्राक्षाची माळ घातली होती त्यावरुन देखील त्याने विचारलं की, ही माळ का घातली? त्यांच्या या प्रश्नावर माझा भाऊ बोलला मला ही माळ घालायला आवडते. हे ऐकताच ते आमच्यासोबत वाद घालायला लागले. तिथे आम्हाला काही गोष्टी संशयास्पद वाटल्या आणि त्यामुळे आम्ही बैसरनपासून जवळपास 500 मीटरवर उतरलो. तिथून आम्ही दुसऱ्या खेचरवाल्यांच्या मदतीने वर खोऱ्यात न जाता परत खाली उतरलो".
संशयास्पद वाटलेल्या गोष्टींवरुन एकता तिवारी म्हणाल्या की, "ज्यावेळेस ते आमच्यासोबत होते त्यावेळेस त्यांच्यातलं एकाला कोणाचा तरी कॉल आला. त्यावेळी तो आमच्यापासून थोडा लांब गेला आणि फोनवर बोलत होता. त्यावेळेस मी त्याच्या फोनवर सुरु असलेल्या वार्ता ऐकल्या. तो माणूस कॉलवर असणाऱ्या व्यक्तीला सांगत होता की, प्लॅन - ए फेल झाला आहे आणि 35 बंदुका खोऱ्यात पाठवण्याविषयी बोलत होता. ज्या व्यक्तीला फोन आला त्या व्यक्तीचा फोटो आणि व्हिडिओ माझ्याकडे आहे".