थोडक्यात बातमी वाचण्यासाठी खाली स्क्रोल करा...
ओडिशातील राउरकेला हवाई तळापासून सुमारे नऊ किलोमीटर अंतरावर एका लहान विमानाचे आपत्कालीन लँडिंग करण्यात आले. भुवनेश्वरहून राउरकेलाला जाणारे हे नऊ आसनी विमान दुपारी १:१५ वाजता राउरकेला उतरणार होते. मात्र, उड्डाणानंतर सुमारे १० किलोमीटर अंतरावर तांत्रिक बिघाड आढळून आल्याने पायलटने जलदा परिसरात आपत्कालीन लँडिंगचा निर्णय घेतला.
विमानात चार प्रवासी आणि दोन क्रू मेंबर्स – कॅप्टन नवीन कडंगा व कॅप्टन तरुण श्रीवास्तव – होते. या घटनेत एकूण सहा जण जखमी झाले असून, पायलटला गंभीर दुखापत झाली आहे. सर्व जखमींना तात्काळ रुग्णालयात दाखल करण्यात आले आहे.
विमानात चार प्रवासी आणि दोन क्रू मेंबर्स – कॅप्टन नवीन कडंगा व कॅप्टन तरुण श्रीवास्तव – होते. या घटनेत एकूण सहा जण जखमी झाले असून, पायलटला गंभीर दुखापत झाली आहे. सर्व जखमींना तात्काळ रुग्णालयात दाखल करण्यात आले आहे.
प्रत्यक्षदर्शींनी सांगितले की, विमानाने जलदा जवळ खाली उतरण्यापूर्वी अचानक आपत्कालीन लँडिंगचा प्रयत्न केला. ते खूप खाली उतरले होते, इतके की लोकांना यापूर्वी कधीच इतके खाली विमान दिसले नव्हते. यामुळे परिसरातील लोक घाबरले आणि विमान पुढे जाऊन कोसळले. अधिकारी या घटनेची सखोल चौकशी करत आहेत. तांत्रिक बिघाडाचे नेमके कारण स्पष्ट होण्यासाठी तपास सुरू आहे.