सिनेप्रेमींसाठी खुशखबर. "सिंघम", "सिंघम रिटर्न्स" नंतर आता रोहित शेट्टीने 'सिंघम अगेन' या आगामी चित्रपटाचे शुटींगला सुरुवात केली आहे. अजय देवगण 'सिंघम अगेन' या सिनेमाचं शूटिंग करत आहे. या सिनेमाच्या शूटिंगदरम्यान तो गंभीर जखमी झाला आहे. या सिनेमाच्या अॅक्शन सीक्वंसच्या शूटिंगदरम्यान अभिनेत्याला दुखापत झाली आहे.
सूत्रांनुसार, एक अॅक्शन सीन शूट करताना चुकून एक झटका त्याच्या चेहऱ्यावर लागला, ज्यामुळे त्याच्या डोळ्याला दुखापत झाली. शूटींग दरम्यान अजय देवगनने काही तासांचा ब्रेक घेतला आणि डॅाक्टरांकडून त्यावर उपचार करून पुन्हा नव्या जोमाने काम करण्यास सुरूवात केली.
'सिंघम अगेन' या आगामी चित्रपटात अजय देवगनसह, करीना कपूर, आणि दिपीका पदुकोनला कास्ट केले आहे. त्यासोबतच सोनू सूद, जॅकी श्रॅाफ, रणवीर सिंह, आणि सिध्दार्थ जाधवसुध्दा भूमिका साकारत आहेत. या सिनेमातील कलाकारांचे पोस्टर आऊट झाल्यापासून 'सिंघम'चे चाहते या सिनेमाची आतुरतेने वाट पाहत आहेत.