स्टार प्रवाहवरील 'येड लागलं प्रेमाचं'या नव्या मालिकेला प्रेक्षकांकडून भरभरून प्रेम आणि प्रतिसाद मिळत आहे. या मालिकेतील प्रत्येक कलाकाराची भूमिका प्रेक्षकांच्या पसंतीस पडत चालेली आहे. यामध्ये अभिनेता विशाल निकम व अभिनेत्री पूजा बिरारी मुख्य भूमिका साकारताना दिसत आहेत. नुकताच या मालिकेत एक ट्विस्ट पाहायला मिळणार आहे. या मालिकेत एक नवा पाहूणा एन्ट्री करताना दिसणार आहे. हा अभिनेता या आधी ही स्टार प्रवाह आपली हटके भूमिका गाजवून गेला आहे आणि आता तो तब्बल सहा वर्षांनी पून्हा एका नव्या अंदाजासह 'स्टार प्रवाह'वरील 'येड लागलं प्रेमाचं'या मालिकेतून भेटीला येणार आहे.
येड लागलं प्रेमाचं या मालिकेत पुनरागमन करण्याआधी हा अभिनेता 'देवयानी' या लोकप्रिय मालिकेत काम करून झाला आहे. या मालिकेतील मुख्य भूमिका साकरणारा संग्राम साळवी हा आता येड लागलं प्रेमाचं या मालिकेत खलनायकाच्या भूमिकेत एका आगळ्यावेगळ्या रुपात पाहायला मिळणार आहे. या मालिकेत इन्स्पेक्टर जय घोरपडेच्या भूमिकेत संग्राम साळवी दिसणार आहे. प्रेक्षकांना आता उत्सुकता लागली आहे ती म्हणजे संग्रामच्या एन्ट्रीची, यामध्ये संग्राम जरा हटके आणि डॅशिंग स्टइलमध्ये दिसणार आहे. या आधी संग्राम शिवानी सुर्वे देवयानी या मालिकेत दिसला. या दोघांच्या जोडी सोबतच या मालिकेतील संग्रामचे काही डायलॉग ही तितकेच लोकप्रिय झाले, जे आजही प्रत्येकाच्या आठवणीत आहेत.
स्टार प्रवाहवरील 'येड लागलं प्रेमाचं'या मालिकेतील धमाकेदार एन्ट्रीवर संग्राम म्हणाला येड लागलं प्रेमाचं’ मालिकेत मी साकारत असलेलं पात्र जा हटके आहे. इन्स्पेक्टर जय घोरपडेच्या भूमिकेत खलनायक साकारतोय. खलनायक साकारताना एक कलाकार म्हणून नेहमी कस लागतो. भूमिकेतले बारकावे हळूहळू आत्मसात करतोय. पुढे तो म्हणाला, ‘येड लागलं प्रेमाचं’ ही मालिका रात्री 10 वाजता प्रेक्षकांच्या भेटीला येते. तरी मायबाप रसिक प्रेक्षकांचा आशीर्वाद अन् प्रेम या पात्रालाही मिळो हीच इच्छा व्यक्त करेन.”