बॉलीवूड इंडस्ट्रीतील 1990 च्या दशकातील चित्रपटांची जेव्हा जेव्हा चर्चा होते तेव्हा सनी देओल, मिथुन चक्रवर्ती, जॅकी श्रॉफ आणि संजय दत्त यांच्या चित्रपटांचे नाव नक्कीच घेतले जाते. तुम्ही कल्पना करा की हे चारही सुपरस्टार एका चित्रपटात एकत्र आले तर किती अॅक्शन, ड्रामा म्हणजेच फुल धमाल पाहायला मिळेल. आणि आता हेच होणार आहे, हे चार स्टार्स 'बाप ऑफ ऑल फिल्म्स' या चित्रपटात दिसणार आहेत. या चित्रपटाचे पोस्टर शेअर करण्यात आले आहे. आता या चित्रपटाचा एक बीटीएस व्हिडिओ समोर आला आहे, ज्याला पाहून लोक खूप उत्साहित झाले आहेत. चित्रपटाशी संबंधित एका झलकमध्ये एवढी अ‍ॅक्शन पाहायला मिळत असेल, तर 'बाप ऑफ ऑल फिल्म' जोरदार मनोरंजन करणार आहे.

या चित्रपटात दिसलेल्या स्टार्सनी त्यांच्या सोशल मीडिया अकाउंटवरून 'बाप ऑफ ऑल फिल्म' चित्रपटाचा बीटीएस व्हिडिओ शेअर केला आहे. यामध्ये मिथुन चक्रवर्ती, जॅकी श्रॉफ, सनी देओल आणि संजय दत्त हे सगळे अॅक्शन मोडमध्ये दिसत आहेत. याशिवाय, तुम्ही व्हिडिओमध्ये पाहू शकता की जॉनी लीव्हर देखील दिसत आहे आणि सर्व स्टार्स मस्ती करत आहेत. 'बाप ऑफ ऑल फिल्म' या चित्रपटाच्या शूटिंगचा हा व्हिडिओ लोकांना खूप आवडला असून लोक त्याची आतुरतेने वाट पाहत आहेत. सनी देओल, संजय दत्त आणि जॅकी श्रॉफ यांनी त्यांच्या सोशल मीडियावरून बीटीएस चित्रपटाचा व्हिडिओ शेअर करत कॅप्शन लिहिले, 'परदे पर ये करे कमल और परदे के पेचे? तुम्हीच बघा. फुल ऑन धमाल, गोंधळ आणि अतुलनीय मजा. ही तुमच्यासाठी सेटवरील एक झलक.

मिथुन चक्रवर्ती, जॅकी श्रॉफ, सनी देओल आणि संजय दत्त यांच्या 'बाप ऑफ ऑल फिल्म' या चित्रपटाची घोषणा या वर्षी जूनमध्ये मिथुन चक्रवर्तीच्या वाढदिवसाला करण्यात आली होती. विवेक चौहानच्या दिग्दर्शनाखाली बनलेला हा चित्रपट पुढील वर्षी 2023 मध्ये प्रदर्शित होणार आहे.