भारतातील तीन पॉवरहाऊस निर्माता भूषण कुमार, दिग्दर्शक संदीप रेड्डी वांगा आणि भारतीय सुपरस्टार अल्लू अर्जुन एका मोठ्या चित्रपटासाठी एकत्र आले आहेत. या असोसिएशन अंतर्गत टी-सीरीज फिल्म्स प्रोडक्शन आणि भद्रकाली पिक्चर्सद्वारे चित्रपटाची निर्मिती केली जाणार आहे.
अलीकडेच, निर्माता भूषण कुमार, प्रणय रेड्डी वांगा, सह-निर्माता शिव चानना, दिग्दर्शक संदीप रेड्डी वांगा आणि सुपरस्टार अल्लू अर्जुन यांनी या मोठ्या चित्रपटावर मोहर लावण्यासाठी भेट घेतली. अशातच, अल्लू अर्जुन अभिनीत तसेच, टी-सीरीज फिल्म्स प्रोडक्शन आणि भद्रकाली पिक्चर्सद्वारे निर्मित या चित्रपटाचे शूटिंग संदीप वांगा यांच्या 'स्पिरिट'चे रॅप झाल्यानंतर सुरु होईल.