बॉलिवूड अभिनेत्री जॅकलीन फर्नांडिसबद्दलची एक महत्त्वाची बातमी समोर आली आहे. जॅकलीन फर्नांडिसवर दु:खाचा डोंगर कोसळला आहे. तिची आई किम फर्नांडिस यांचे निधन झाले आहे. 6 एप्रिल रोजी त्यांनी अखेरचा श्वास घेतला. किम या काही दिवसांपासून आजारी होत्या. त्यांना हृदयविकाराचा झटका आला होता.

लीलावती रुग्णालयात उपचार:

त्यानंतर त्यांच्यावर मुंबईतील लीलावती रुग्णालयात उपचार सुरू होते. मात्र प्रकृती अधिकच चिंताजनक बनली होती. अखेर, 6 एप्रिल रोजी किम यांनी जगाचा निरोप घेतला.या दुःखद प्रसंगामुळे जॅकलीन फर्नांडिस आणि तिच्या कुटुंबावर शोककळा पसरली आहे. अनेक चाहत्यांनी आणि सेलिब्रिटींनी सोशल मीडियावरून शोक व्यक्त केला आहे.

जॅकलिनच्या आयुष्यात आईचं छत्र हरपल्याने मोठी पोकळी निर्माण झाली आहे. दरम्यान जॅकलिनचे बॉलिवूडचे मित्र-मैत्रीण आणि इतर कलाकार अभिनेत्रीच्या आईचं अंतिम दर्शन घेण्यासाठी आणि तिला धीर देण्यासाठी लीलावती रुग्णालयात भेट देत आहेत.

कलाकारांनी घेतली होती भेट :

जॅकलिनच्या आईवर आयसीयूमध्ये उपचार सुरु होते. त्यांच्या प्रकृतीत सुधारणा होत असल्याचा रिपोर्टही समोर आला.अभिनेता सलमान खान आणि जॅकलिनसोबत काम करणारे इतर सहकलाकारही जॅकलीनच्या आईला भेटायला गेले होते.