बॉलिवूडची सर्वात टॉपला असणारी दीपिका पादुकोण ही सध्या तिच्या प्रेग्नेंसीमुळे चर्चेत आली आहे. सुरुवातीला तिची प्रेग्नेंसी ही खोटी असावी अशी अफवा अनेकांकडून पसरवली गेली परंतू अनंत अंबानी आणि राधिका मर्चेंड यांच्या विवाह सोहळ्यादरम्यान ती ऑन कॅमेरा आली होती आणि त्यादरम्यान तिने तिचे काही फोटो देखील सोशल मीडियावर पोस्ट केले होते यावरुन दीपिका प्रेग्नेंट नाही या अफवांना आळा बसला. प्रेग्नेंसीदरम्यान तिने जवान आणि पठान या चित्रपटात काम देखील केलं आहे. याशिवाय ती नुकताच आलेला कल्की 2898 एडी या चित्रपटात देखील पाहायला मिळाली. दीपिका पदुकोण आणि रणवीर सिंग लवकरच एका छोट्या पाहुण्याचं स्वागत करणार आहेत.

आतापर्यंत अनेक अभिनेत्रींनी आपले मॅटर्निटी फोटोशूट सोशल मीडियावर शेअर केले आहेत आणि नुकतेचं दीपिकाने देखील तिचं पहिले मॅटर्निटी फोटोशूट शेअर केले आहे. ज्यात एकूण 14 फोटो आहेत. प्रत्येक फोटोत तिने किमान 2-3 वेगवेगळे पोशाख परिधान केले आहेत. तिच्या या फोटोशूटला रणवीरची देखील साथ पाहायला मिळत आहे. त्यांचे हे फोटो ब्लॅक अ‍ॅण्ड व्हाईटमध्ये पाहायला मिळत आहे. जे बोल्ड असले तरी त्यात दोघांच ही एकमेकांवर असलेलं प्रेम पाहायला मिळत आहे.

या फोटोंद्वारे हे दोघे ही बाळाची आतुरतेने वाट पाहत आहेत ते दिसून येते तसेच दीपिका तिच्या मातृत्वाचा पुरेपूर आनंद घेत असताना दिसत आहे. तसेच या दोघांच्या फोटोला अनेक बॉलिवूडच्या कलाकारांनी कमेंट केले आहेत. तसेच कमेंटद्वारे दोघांचे ही अभिनंदन केले आहे. दीपिकाच्या मॅटर्निटी फोटोशूटवर चाहत्यांकडून देखील कौतूकांचा वर्षाव होताना दिसत आहे.