शाहरुख खानसाठी हे वर्ष खूप खास ठरले आहे. सर्वप्रथम त्याच्या 'पठाण' या चित्रपटाने बॉक्स ऑफिसवर खळबळ उडवून दिली. त्यानंतर उत्तरार्धात किंग खानने 'जवान' चित्रपटगृहांवर राज्य केले. आता तो 'डंकी' मधून 2023 चा शेवट करताना दिसणार आहे. पहिल्या दोन ब्लॉकबस्टर चित्रपटांनंतर, चाहते या तिसऱ्या चित्रपटाची आतुरतेने वाट पाहत आहेत, ज्याचा टीझर रिलीज होण्यास आता काही तास बाकी आहेत.

वाढदिवसाला येणार 'डंकी' चा टीझर?

शाहरुख खानचा 58 वा वाढदिवस 2 नोव्हेंबर रोजी आहे. या आधी अशी बातमी आली होती की राजकुमार हिरानी दिग्दर्शित डंकीचा टीझर शाहरुख खानच्या वाढदिवसाला म्हणजेच 2 नोव्हेंबर 2023 रोजी रिलीज होईल. ही माहिती समोर आल्यापासून 'डंकी' सोशल मीडियावर ट्रेंड करत आहे.