'बचपन का प्यार' या गाण्याने प्रसिद्ध झालेला सहदेव दिरदोचा भीषण अपघात झाला असून तो जखमी झाला आहे. सहदेवला रुग्णालयात दाखल करण्यात आले असून सहदेव दिरदो हा छत्तीसगडचा रहिवासी असून त्याच्या अपघाताची बातमी समोर येताच सोशल मीडियावर लोकांनी त्याच्यासाठी प्रार्थना करण्यास सुरुवात केली आहे. यासोबतच रॅपर बादशाहनेही सहदेवसाठी एक ट्विट केले आहे.
ट्विटमध्ये बादशाहने माहिती दिली आहे की तो सतत सहदेवच्या कुटुंबाच्या संपर्कात आहे. 'मी सहदेव यांच्या कुटुंबीय आणि मित्रांच्या संपर्कात आहे. तो बेशुद्ध आहे. रुग्णालयात नेले जात आहे. मी त्याच्यासाठी तिथे आहे. तुमच्या प्रार्थनांची गरज आहे, असे बादशाहने आपल्या ट्विटमध्ये म्हटले आहे. बादशाहच्या या ट्विटवर चाहत्यांनी कमेंट करून सहदेवच्या आरोग्यासाठी प्रार्थना करत आहेत.