प्रसिध्द अभिनेता आर माधवनने आपल्या अभिनयाने बॉलिवूडमध्ये एक खास ओळख निर्माण केली आहे. माधवनचा मुलगा चित्रपटसृष्टीपासून दूर राहून क्रीडा क्षेत्रात आपल्या कौशल्याने देशाचे नाव रोशन करत आहे. वेदांतने जलतरण स्पर्धेत भारतासाठी पाच सुवर्णपदके जिंकली आहेत. या यशाबद्दल चाहते आर माधवनच्या मुलाचे अभिनंदन करत आहेत.
आर माधवनने आपल्या मुलाचे अभिनंदन करणारी पोस्ट सोशल मीडियावर शेअर केली आहे. त्यांनी शेअर केलेल्या फोटोंमध्ये वेदांत भारताचा राष्ट्रध्वज आणि पाच सुवर्ण पदकांसह पोज देताना दिसत आहे. तर दुसऱ्या फोटोत तो त्याची आई सरिता बिर्जेसोबत दिसत आहे.
भारतासाठी पाच सुवर्णांसह वेदांतला (५० मीटर, १०० मीटर, २०० मीटर, ४०० मीटर आणि १५०० मीटर) दोन पीबी मिळाले. हा कार्यक्रम या आठवड्यात क्वालालंपूर येथे मलेशिया इनव्हिटेशनल एज ग्रुप जलतरण चॅम्पियनशिप 2023 मध्ये आयोजित करण्यात आला होता. आम्ही उत्साहित आहोत आणि प्रदीप सरांचे खूप आभारी आहोत, असे माधवनने पोस्टमध्ये लिहीले आहे. या यशाबद्दल चाहते आर माधवनच्या मुलाचे अभिनंदन करत आहेत.
दरम्यान, आर माधवनने त्याच्या कामासह कुटुंबाला पूर्ण वेळ देतो. मुलगा वेदांत व्यतिरिक्त तो सोशल मीडियावर कुटुंबातील सर्व सदस्यांचे फोटो शेअर करत असतो. त्यांच्या साध्या राहणीचे सर्वजण कौतुक करतात. कामाच्या आघाडीवर, माधवन नुकताच 'रॉकेटरी' आणि 'धोखा' या चित्रपटांमध्ये दिसला होता. त्याच्या आगामी चित्रपटांची यादीही खूप मोठी आहे.