चाहत्यांना दिवाळीचं गिफ्ट देणारा अभिनेता अक्षय कुमारचा राम सेतू हा चित्रपट मंगळवारी 25 ऑक्टोबरला रिलीज झाला. या चित्रपटात अक्षय कुमारसह जॅकलीन फर्नांडिस, नुसरत भरूचा आणि सत्यदेव कंचरण या कलाकरांनी देखील प्रमुख भूमिका साकारली आहे. गेल्या कित्येक दिवसांपासून चाहते या चित्रपटाची वाट पाहत होते. आता मात्र हा चित्रपट रिलीज झाला असून या चित्रपटाला प्रेक्षकांची पसंती मिळत आहे. या चित्रपटाची बॉक्स ऑफिसवर संथ सुरुवात झाली आहे.

पहिल्या दिवशी या चित्रपटानं 15 कोटींचे बॉक्स ऑफिस कलेक्शन केलं. हा चित्रपट जवळपास 3000 स्क्रिन्सवर प्रदर्शित झाला. काही चित्रपट समीक्षकांनी आणि अक्षयच्या चाहत्यांनी या चित्रपटाचं कौतुक केलं. पण बॉक्स ऑफिसवर राम सेतूची सुरुवात संथ झाली.

चित्रपटाचे लेखन आणि दिग्दर्शन अभिषेक शर्मा यांनी केलं. अभिषेक शर्मा यांनी यापूर्वी 2020 मध्ये आलेल्या 'सूरज पर मंगल भारी' या चित्रपटाचे दिग्दर्शन केले होते. या चित्रपटात मनोज बाजपेयी, दिलजीत दोसांझ आणि फातिमा सना शेख या कलारांनी प्रमुख भूमिका साकारली होती. तरी देखील या चित्रपटाला प्रेक्षकांची पसंती मिळाली नाही.