काही दिवसांपासून 'झोंबिवली' हा मराठी चित्रपट चर्चेचा विषय ठरला आहे. या चित्रपटातील गाणी सोशल मीडियावर प्रचंड व्हायरल झाली आहेत . या चित्रपटात 'झोम्बी' आणि त्याविषयी कथा या चित्रपटात दाखवण्यात येणार आहे. या चित्रपटात असलेले कलाकार सोशल मीडियावर सतत पोस्ट शेअर करत चाहत्यांना या चित्रपटाविषयी काही हिंट देताना किंवा मग यातल्या गाण्यावर त्यांचा डान्स शेअर करताना दिसतात. असाच एक व्हिडीओ वैदेही परशुरामीने शेअर केला आहे .
वैदेहीने तिच्या इन्स्टाग्राम अकाऊंटवरून हा व्हिडीओ शेअर केला आहे. या व्हिडीओत वैदेही, सिद्धार्थ जाधव आणि अमेय वाघ दिसत आहेत. या व्हिडीओत ते 'झोंबिवली' या गाण्यावर डान्स करत आहेत. हा व्हिडीओ शेअर करत मित्रांनो चला, "आता मिळून एकदम क्रेझीवाला 'झोंबिवली' डान्स करूया" असं कॅप्शन तिने दिलं आहे. . वैदेहीचा हा व्हिडीओ पाहिल्यानंतर बॉलिवूडचा बाजीराव अभिनेता रणवीर सिंगने या पोस्टवर कमेंट केली आहे. रणवीरला सिद्धार्थचा डान्स आवडल्याचे दिसत आहे. त्याने "सिद्धू बाबा के जलवे" अशी कमेंट केली आहे. त्यावर उत्तर देत सिद्धार्थनेही "रणवीर दादा के जलवे ही जलवे" असे म्हटले आहे .