कोरोना नियम शिथील झाल्या नंतर चित्रपटगृहे सुरु झाली आणि बॉलिवूडमधील अनेक चित्रपट प्रदर्शित झाले. यामध्ये मराठी चित्रपट 'झिम्मा'ही प्रदर्शित झाला आणि पहिल्या आठवड्यात ३२५ शोज या चित्रपट झाले. त्यानंतर दुसऱ्या आठवड्यात ७०० पेक्षा जास्त शोज लागले होते. आणि पहिल्या दोन आठवड्यांमध्ये 'झिम्मा'ने ५.८३ करोडचा टप्पा पार केला.
सुपरहिट ठरलेला 'झिम्मा' हा पहिला मराठी चित्रपट आहे. या चित्रपटात सिद्धार्थ चांदेकर, निर्मिती सावंत, सुहास जोशी, सुचित्रा बांदेकर, क्षिती जोग, सोनाली, सायली संजीव, मृण्मयी गोडबोले यांच्या भूमिकेची चर्चा होत आहे. या सिनेमाचे लेखन इरावती कर्णिक यांनी केले आहे, हेमंत ढोमे दिग्दर्शित या चित्रपटाचे छायाचित्रीकरण संजय मेमाणे यांनी केले आहे. क्षिती जोग यांच्यासोबत स्वाती खोपकर, अजिंक्य ढमाळ, विराज गवस, उर्फी काझमी, सनी शाह हे या चित्रपटाचे निर्माता आहेत. या चित्रपटाचे पटकथा, संवाद, दिग्दर्शन, अभिनय या सगळ्याच गोष्टी चांगल्या प्रकारे मांडल्याने प्रेक्षकांनी या चित्रपटाला पसंती दिली.