जिओसिनेमाने नुकतीच 'हाऊस ऑफ द ड्रॅगन सिझन २' च्या अधिकृत ट्रेलरची घोषणा केली आहे. 'हाऊस ऑफ द ड्रॅगन सीझन २' फक्त जिओसिनेमा प्रीमिअमवर प्रेक्षकांना पाहता येणार आहे. ही वेबसिरीज इंग्रजी, हिंदी, तामिळ, तेलुगु, कन्नड, बंगाली आणि मराठी या भाषांमध्ये उपलब्ध असणार आहे. तर या सीरिजचा प्रत्येक भाग १७ जून पासून दर आठवड्याला सोमवारी प्रदर्शित होईल.
मॅट स्मिथ, ऑलिव्हिया कुकी, एमा डीआर्क, एव्ह बेस्ट, स्टीव्ह टुसेंट, फेबियन फ्रँकेंल, इवान मिशेल, टॉम ग्लेन-कार्नी, सोनोया मिझुनो आणि रायस इफान्स यांच्या प्रमुख भूमिका यात आहे. त्याचसोबत हॅरी कोलेट, बेथनी अँटानिया, फोब कॅम्पबेल, फिया सबान, जेफरसन हॉल आणि मॅथ्यू नीधम हे कलाकार पुन्हा नव्या सीझनमध्ये दिसणार आहे. तर, अबुबकर सलिम, गेएल रन्किन, फ्रेडी फॉक्स, सिमॉन रसेल बेल, क्लिंटन लिबर्टी, जेमी केना, केरेन ब्यू, टॉम बेनेट, टॉम टायलर आणि विन्सेंट रेगन हे नवे चेहरे यावेळी दिसतील.
ही वेबसिरीज जॉर्ज आर.आर. मार्टिन यांच्या ‘फायर अॅण्ड ब्लड’ या पुस्तकावर आधारित आहे. ज्यामध्ये 'हाऊस ऑफ तरगार्येनची' कथा आहे. राजकीय कारस्थाने, कौटुंबिक हेवेदावे आणि काटेरी सिंहासनावर बसण्यासाठीच्या स्पर्धेत नागरी युद्धाची गडद छाया अशा पार्श्वभूमीवर राजघराण्यात सुरू असलेला सत्तेचा आणि ताकदीचा खेळ यात पाहायला मिळणार आहे. सात राज्यांवर ताबा मिळवण्याची भावना ठेऊन इथे प्रत्येक जण प्रयत्न करतोय. जिओसिनेमा प्रीमिअमच्या आधारे ही वेबसिरीज अमेरिकेतही पाहता येणार आहे.