दाक्षिणात्य सुपरस्टार विजय थलापतीच्या (Vijay Thalapathy) 'बीस्ट' (Beast) या सिनेमाचा ट्रेलर प्रदर्शित झाला आहे. या सिनेमाची प्रेक्षक आतुरतेने वाट पाहत आहेत. नेल्सन दिलीपकुमार (Nelson Dilip Kumar) यांनी या सिनेमाचे दिग्दर्शन केले असून नुकताच या सिनेमाचा ट्रेलर प्रेक्षकांच्या भेटीला आला आहे.

'बीस्ट' सिनेमात विजय थलापती आणि पूजा हेगडे (Pooja Hegde) मुख्य भूमिकेत आहेत. या चित्रपटाचा ट्रेलर विजय थलापती, नेल्सन दिलीपकुमार आणि पूजा हेगडेने सोशल मीडियावर (social media) शेअर केला आहे.

'बीस्ट' सिनेमात विजय थलापतीसह पूजा हेगडे, सेल्वाराघवन, शाईन टॉम चाको, योगी बाबू, व्हीटीव्ही गणेश आणि रॅडिन किंग्सले हे कलाकारदेखील महत्त्वाच्या भूमिकेत दिसणार आहेत.

'बीस्ट' सिनेमात अँक्शनचा (action) तडका असणार आहे. ट्रेलरमध्ये विजय थलापती अँक्शन करताना दिसत आहेत. तर बॉलिवूड अभिनेत्री पूजा हेगडेची फक्त एक छोटीशी झलक यामध्ये दिसत आहे. हा सिनेमा 13 एप्रिलला सिनेमागृहात प्रदर्शित होणार आहे.