जुन्या मुंबई-पुणे राष्ट्रीय महामार्गावर कार आणि कंटेनरचा भीषण अपघात झाला. लोणावळाच्या कार्ला फाट्याजवळील शिलाटणे गावच्या सिमेवर हा अपघात झाला. ह्या भीषण अपघातात पाच जणांचा जागीच मृत्यू झाल्याची माहिती सुत्राकडून मिळाली.

रविवारी सकाळी 7.30 च्या सुमारास ही दुर्घटना घडली. मुबंईहून पुण्याला 5 जण येत होते. कार चालकांचा गाडीवरील ताबा सुटला आणि गाडी दुभाजक ओलांडून मुंबईच्या दिशेने जाणाऱ्या भरधाव कंटेनरखाली ही कार घुसली. त्याच क्षणाला कारला जोरात धडक लागली आणि गाडीचा चक्काचूर झाला. गाडीत असणाऱ्याचा जागीच मृत्यू झाला. घटनास्थळी पोलिसांनी पाहणी सुरू केली. या मार्गावर वाहतुकांची कोंडी झाली.