IMA चे माजी अध्यक्ष डॉ केके अग्रवाल यांचं कोरोनामुळे निधन झाले आहे. डॉ केके अग्रवाल इंडियन मेडिकल असोसिएशनचे (IMA) माजी अध्यक्ष होते आणि त्यांना पद्मश्री पुरस्काराने सन्मानित केले गेले होते. केके अग्रवाल 62 वर्षांचे होते आणि जवळपास एक आठवड्यापासून ते व्हेंटिलेटरवर होते.

केके अग्रवाल यांनी सोमवारी (17 मे) रात्री साडेअकराच्या सुमारास अखेरचा श्वास घेतला. कोरोनाची लागण झाल्यानंतर केके अग्रवाल यांना राजधानी दिल्लीच्या एम्समध्ये दाखल करण्यात आलं होतं. इथे त्यांच्यावर अनेक दिवसांपासून उपचार सुरु होते. त्यांच्या केके अग्रवाल यांच्या कुटुंबियांनी आज (18 मे) त्यांच्या अधिकृत ट्विटर हॅण्डलवरुन ट्वीट करुन त्यांच्या निधनाची माहिती दिली.