कोरोना संसर्गजन्य रोगाने आजवर कित्येक रूग्णांचे जीव घेतले आहेत. कोरोना आता माणसांपाठोपाठ प्राण्यांच्याही जीवावर उठला की काय असं चित्र निर्माण झाले आहे. तामिळनाडूमधील अरिगनर अण्णा प्राणीसंग्रहालयातील एका सिंहाचा कोरोनामुळे मृत्यू झाला असून आणखी आठ सिंह कोरोना पॅाझिटिव्ह आठळले आहेत.

गुरूवारी संध्याकाळी ०६.१५ वाजता या सिंहाचा मृत्यू झाला त्याच्यामध्ये कोरोनाची लक्षणे दिसताच त्वरित त्याच्यावर उपचार सुरू करण्यात आले होते. प्राणीसंग्रालयात काम करणाऱ्या २५ कर्मचाऱ्यांना कोरोनाची लागण झाली होती त्यांच्यापासून या सिंहाना संसर्ग झाल्याचं म्हंटलं जात आहे.