tomato flu : केरळपाठोपाठ कर्नाटक, तामिळनाडू आणि ओरिसामध्येही टोमॅटो फ्लूचे रुग्ण आढळून आले आहेत. मिळालेल्या माहितीनुसार, आतापर्यंत 82 लोक याला बळी पडले असून त्यात लहान मुलेही टोमॅटो फ्लूची शिकार झाली आहेत. तज्ज्ञांचे म्हणणे आहे की, टोमॅटो फ्लूच्या बळींमध्ये शरीरात जडपणा, सांधेदुखी, ताप, उलट्या, त्वचेची जळजळ ही सामान्य लक्षणे आहेत. त्याची वाढती प्रकरणे पाहता केंद्र सरकारने मार्गदर्शक सूचनाही जारी केल्या आहेत. (central government alert on tomato flu)

त्याला टोमॅटो फ्लू का म्हणतात?

सहसा, लहान मुलांच्या शरीरावर लाल रंगाचे फोड असतात, जे नंतर वाढतात आणि टोमॅटोच्या आकारात दिसतात, म्हणून या फ्लूला टोमॅटो फ्लू म्हणतात. लहान मुलांमध्ये हातपाय, तोंडाचे आजार खूप सामान्य आहेत, त्यामुळेच टोमॅटो फ्लू बद्दल असे बोलले जात आहे की, लहान मुले अधिक बळी पडत आहेत. हा आजार 10 वर्षांपेक्षा कमी वयाच्या मुलांमध्ये होत असला तरी टोमॅटो फ्लू बद्दल असे सांगितले जात आहे की, हा आजार त्या वयापेक्षा जास्त वयाच्या लोकांना देखील होऊ शकतो. ज्यांची प्रतिकारशक्ती कमकुवत आहे.

यासाठी सॅनिटायझेशन हा सर्वोत्तम बचाव आहे, जर एखाद्याला हा आजार झाला असेल तर सर्वप्रथम त्याला 5 ते 7 दिवसांसाठी वेगळे ठेवावे. यासोबतच रुग्णाने पूर्ण विश्रांती घ्यावी आणि सोबत भरपूर द्रवपदार्थ घ्यावे. कोमट पाण्याने त्वचेवर स्पंज लावल्याने त्वचेतील जळजळ कमी होते, त्यामुळे ज्या रुग्णांना हा आजार झाला आहे त्यांनी कोमट पाण्याने शरीरावर स्पंज लावणे अधिक महत्त्वाचे आहे. तज्ज्ञांचे म्हणणे आहे की, मुलांना शक्यतो रुमाल वापरण्यास प्रोत्साहित केले पाहिजे. शरीराच्या ज्या भागावर फोड पडलेले आहेत त्या भागावर खाजवू नका. मुलांचे कपडे चांगले धुवा. या दरम्यान मुलांना पौष्टिक आहार द्यावा. त्यांनी सांगितले की, घशातील नमुना घेऊन प्रयोगशाळेत पाठवून रुग्णाला टोमॅटो प्लू आहे की नाही हे तपासता येते.