Waxing At Home Tips : अनवॉन्टेड केस काढण्यासाठी तुम्ही घरीच वॅक्सिंग करत असाल तर अनेकदा लालसरपणा येतो, त्वचा सोलणे किंवा जळजळ होते. असे होऊ शकते की तुम्ही नीट वॅक्सिंग करत नाही आहात. तर आज तुम्हाला सांगणार आहोत की वॅक्सिंग करताना कोणत्या चुका पुन्हा करू नयेत, कारण यामुळे तुमच्या त्वचेला आणखी नुकसान होऊ शकते.
एक्सफोलिएशन स्कीप करा
वॅक्सिंगपूर्वी तुमची त्वचा एक्सफोलिएट केल्याने त्वचेच्या मृत पेशी काढून टाकण्यास मदत होते आणि केस मुळापासून वॅक्सदेखील होतात. ही पायरी वगळल्याने केस काढण्याचा परिणाम कमी होऊ शकतो.
गलिच्छ किंवा तेलकट त्वचेवर वॅक्स लावणे
शरीराचा ज्या भागावर तुम्ही वॅक्स करता तो भाग स्वच्छ असावा आणि त्यावर कोणतेही तेल, लोशन किंवा इतर काहीही लावू नये.
चुकीचे वॅक्स तापमान
वॅक्सचे तापमान तपासण्याची खात्री करा. जर ते खूप गरम असेल तर ते त्वचेला इजा पोहोचवू शकते, जर ते खूप थंड असेल तर ते केस नीट काढू शकत नाही. ते लावण्यापूर्वी नेहमी पॅच चाचणी करा.
वॅक्सची पट्टी चुकीच्या दिशेने खेचणे
केसांच्या वाढीच्या विरुद्ध दिशेने वॅक्सची पट्टी नेहमी ओढा. ते चुकीच्या दिशेने खेचल्याने वेदना आणि अस्वस्थता होऊ शकते आणि केस तुटण्यास देखील कारणीभूत ठरू शकते.
त्याच ठिकाणी वारंवार वॅक्सिंग करणे
एकाच जागी अनेक वेळा वॅक्स लावणे टाळा, कारण यामुळे त्वचेवर जळजळ, लालसरपणा आणि ओरखडे येऊ शकतात. वॅक्सिंगनंतर केस उरले असतील तर ते काढण्यासाठी रेझर किंवा हेअर प्लकर वापरा.
वॅक्सिंगचे नियमित वेळापत्रक न पाळणे
वॅक्सिंग सत्रांमध्ये जास्त अंतर ठेवल्याने केस लांब वाढतात, ज्यामुळे प्रक्रिया खूप वेदनादायक होते. अशा स्थितीत तुम्ही दर महिन्याला वॅक्सिंगचे वेळापत्रक बनवावे.