मुंबई क्रूज ड्रग्स प्रकरणी अटकेत (Aryan Khan Mumbai Cruise Drugs Case)असलेला लेक आर्यन खानला (Aryan Khan) भेटायला शाहरूख खान (Shah Rukh Khan) आज सकाळी मुंबईच्या आर्थर रोड तुरूंगात पोहोचला. आर्यन व शाहरूख यांच्यात काय बोलणं झालं हे कळू शकलेलं नाही. पण ही भेट कशी झाली, ते मात्र समोर आलंय. मात्र आता एनसीबीच्या पथकानं शाहरुख खानच्या राहत्या घरी छापा टाकला, अशी माहिती मिळाली होती.

परंतु, एनसीबीकडून देण्यात आलेल्या स्पष्टीकरणानुसार, शाहरुख खानच्या मन्नतवर कोणताही छापा टाकण्यात आला नसून, काही कागदपत्रांची पूर्तता करण्यासाठी एनसीबीचं पथक शाहरुख खानच्या घरी गेलं होतं. 

आज शाहरुख खाननं आर्थर रोड तुरुंगात जाऊन मुलगा आर्यन खानची भेट घेतली. त्यानंतर काही वेळातच एनसीबीच्या पथकाकडून बॉलिवूडच्या आताच्या यंग सिनेकलाकारांमधील प्रसिद्ध अशा अनन्या पांडेच्या घरीही छापेमारी करण्यात आली. याशिवाय, दुपारी 2 वाजता अनन्या पांडेला चौकशीसाठी एनसीबीनं समन्स बजावलंय. त्यामुळे एनसीबी बॉलिवूडमधील आणखी कोण-कोणत्या बड्या चेहऱ्यांवर कारवाई करणार, याकडे सिनेसृष्टीसह सामान्य जनतेचंही लक्ष लागलं आहे.