मुंबईतील पवई परिसरात रोहित आर्या या व्यक्तीनं तब्बल 17 लहानग्यांसह 20 जणांना ओलीस ठेवलं होतं. पोलिसांना या घटनेची माहिती मिळताच घटनास्थळी धाव घेत तातडीने कारवाई करत काही तासांतच सर्व मुलांची सुखरूप सुटका केली. तसेच त्याचे चकमकी दरम्यान एन्काऊंटर करण्यात आले. याचपार्श्वभूमिवर अ‍ॅडवकेट नितीन सातपुतेंनी प्रतिक्रिया दिली आहे.
नितीन सातपुते म्हणाले की, "निरपराध मुलांचे रक्षण करण्यात अपयशी ठरलेल्या वरिष्ठ अधिकाऱ्यांच्या उच्च दबावामुळे राज्य पोलिस यंत्रणेचे अपयश लपविण्यासाठीच चकमक घडवण्यात आली. रोहितला त्याच्या छातीत गोळी का मारण्यात आली? १७ अल्पवयीन आणि २ प्रौढांच्या अपहरणासाठी राज्य सरकार पूर्णपणे जबाबदार आहे. राज्य सरकारने मृत रोहित आर्यची २ कोटी रुपयांसाठी फसवणूक केली त्याने आपले जीवन संपवण्याचा निर्णय घेतला".
"परंतु नंतर त्याने विचार बदलला आणि तथाकथित अपहरणाचा विचार केला, सरकारकडून त्याचे अधिकृत देयके न मिळाल्याने तो प्रचंड तणावाखाली होता. गरज पडल्यास पोलिसांनी त्याला निष्क्रिय करण्यासाठी त्याच्या पायावर किंवा खालच्या वरच्या भागात गोळी झाडायला हवी होती. मुलांचे अपहरण करण्याचा आणि त्यांना इजा पोहोचवण्याचा कोणताही प्रामाणिक हेतू रोहित आर्यचा नसावा".