थोडक्यात
सातारा जिल्ह्यातील फलटण उपजिल्हा रुग्णालयातील महिला डॉक्टरची आत्महत्या
मृत डॉक्टरने आत्महत्येपूर्वी आपल्या हातावर सुसाईड नोट लिहिली
आरोपी प्रशांत बनकरला पोलिसांकडून अटक
(Satara Doctor case) सातारा जिल्ह्यातील फलटण उपजिल्हा रुग्णालयात कार्यरत असलेल्या महिला डॉक्टरच्या आत्महत्येच्या प्रकरणाने राज्यभरात खळबळ उडवली आहे. या घटनेत धक्कादायक बाब समोर आली असून, डॉक्टरने आत्महत्येपूर्वी आपल्या हातावरच मृत्यूस कारणीभूत असलेल्या दोन व्यक्तींची नावे लिहिली आहेत.
मृत डॉक्टरने आत्महत्येपूर्वी आपल्या हातावर सुसाईड नोट लिहिली होती, त्यात तिने धक्कादायक आरोप केले आहेत. त्या नोटमध्ये डॉक्टरने लिहिले आहे की, "PSI गोपाल बदने यांनी तिच्यावर पाच महिन्यांपासून वारंवार अत्याचार आणि लैंगिक शोषण केले, तसेच पोलीस अधिकारी प्रशांत बनकर यांनी तिला मानसिक छळ केला". त्या महिला डॉक्टरने या दोघांवर लैंगिक अत्याचार आणि मानसिक छळाचे गंभीर आरोप केले आहेत. फलटणमधील महिला डॉक्टर आत्महत्या प्रकरणात फरार आरोपींच्या शोधात पोलिसांची पाच पथकं रवाना करण्यात आल्याची माहिती मिळत आहे.
याच पार्श्वभूमीवर आता फलटण महिला डॉक्टर प्रकरणी मुख्य संशयित आरोपी प्रशांत बनकरला अटक करण्यात आली आहे. प्रशांत बनकरवर शारीरिक आणि मानसिक छळाचे आरोप करण्यात आले आहेत. पहाटे 4 वाजता प्रशांत बनकरला अटक करण्यात आली असून प्रशांत बनकर हा मित्राच्या फार्महाऊस लपला असता तिकडून त्याला पोलिसांनी बेड्या ठोकल्या आहेत.
प्रशांत बनकर याला फलटण पोलीस ठाण्यामध्ये हजर करण्यात येणार आहे त्यानंतर थेट कोर्टामध्ये हजर करण्यात येणार असल्याची माहिती समोर येत आहे. प्रशांत बनकर हा दोन दिवसापासून फरार होता. तपासासाठी गेलेला विशेष पथकाकडून सापळा रचून त्याला अटक करण्यात आली आहे.