राष्ट्रवादी काँग्रेस (शरद पवार गट) ने माढा लोकसभा मतदारसंघातील खासदार धैर्यशील मोहिते पाटील यांना सोलापूर महापालिका निवडणूक प्रभारीपदी नेमले आहे. माढा लोकसभा, त्यातील विधानसभा मतदारसंघ आणि नगरपालिका निवडणुकांमध्ये भाजपचा वाढ रोखण्यात यशस्वी ठरलेल्या मोहिते पाटील यांना सोलापूर जिल्ह्यासह शहरात मोठा वर्ग मानतो. त्यामुळे पक्षाने त्यांचा 'मोहिते पाटील पॅटर्न' सोलापूर महापालिकेत राबवण्याचा बेरजेचा प्लॅन आखला आहे.
खासदार धैर्यशील मोहिते पाटील यांनी सोलापूर महापालिकेत अजित पवार गटाकडून ऑफर आल्यास स्थानिक नेत्यांना आणि वरिष्ठांना विश्वासात घेऊन निर्णय घेणार असल्याचे स्पष्ट केले. माढा मतदारसंघात भाजपला रोखण्याच्या यशस्वी रणनीतीमुळे त्यांना ही जबाबदारी सोपवण्यात आली आहे. सोलापूर शहर आणि जिल्ह्यात त्यांचा प्रभाव ओळखून पक्षाने हा निर्णय घेतला असून, निवडणुकीत बेरजेच्या राजकारणावर भर देणार आहे.
या नेमणुकीमुळे सोलापूर महापालिका निवडणुकीत राष्ट्रवादी काँग्रेस (शरद पवार गट) ची रणनीती बळकट होण्याची शक्यता आहे. मोहिते पाटील यांच्या नेतृत्वात स्थानिक कार्यकर्त्यांना एकत्र करून पक्ष मजबूत करण्याचा प्रयत्न सुरू आहे.