मुंबईतील बोरिवली रेल्वे पोलिसांनी (railway police) एका एटीएम ठगला अटक केली आहे. जो व्यवसायाने चित्रपटसृष्टीत स्पॉट बॉय म्हणून काम करतो. परंतु एटीएममधून पैसे काढणाऱ्या ज्येष्ठ नागरिकांना मदत करण्याच्या बहाण्याने कार्डची देवाणघेवाण करतो. त्यांच्या खात्यातून पैसे काढतो. अशोक घनश्याम वर्मा असे अटक आरोपीचे नाव असून, त्याचे वय २७ वर्षे असून तो मुंबईतील चेंबूर परिसरात राहतो.
बोरिवली जीआरपीचे वरिष्ठ पोलीस निरीक्षक अनिल कदम यांनी सांगितले की, आरोपीने बोरिवली रेल्वे स्थानकावर असलेल्या एटीएम सेंटरमध्ये एका ज्येष्ठ नागरिक महिलेला पैसे काढण्यास मदत करण्याच्या बहाण्याने तिचे एटीएम कार्ड बदलले आणि तिच्या खात्यातून पैसे काढले.
तक्रार नोंदवल्यानंतर आरोपीचा शोध सुरू करण्यात आला, त्याचदरम्यान बोरिवली रेल्वे स्थानकाच्या एटीएम सेंटरजवळ आरोपीला पकडण्यात आले. चौकशीत पोलिसांना कळले की बोरिवली व्यतिरिक्त पायधेनू पोलिस ठाण्यातही आरोपींविरुद्ध गुन्हा दाखल आहे. आरोपींकडून विविध बँकांचे ३७ एटीएम कार्ड जप्त करण्यात आले आहेत. आरोपीने 50 हून अधिक लोकांची फसवणूक केल्याचा पोलिसांना संशय आहे.