थोडक्यात बातमी वाचण्यासाठी खाली स्क्रोल करा...
(Pune Mundhwa land Case) मुंढवा येथील ४० एकर जमिनीच्या व्यवहार प्रकरणात उपमुख्यमंत्री अजित पवार यांचे पुत्र पार्थ पवारांचे नाव आल्यानंतर अजित पवार यांनी जमिनीचे व्यवहार रद्द करत असल्याचे जाहीर केले. या जमीन घोटाळा प्रकरणाने राज्यात खळबळ उडाली आहे. या जमीन व्यवहार प्रकरणात अनेक खुलासे समोर येत आहेत.
यातच आता मुद्रांक शुल्क विभागाने पाठवलेली नोटीस अमेडिया कंपनीकडून अमान्य करण्यात आल्याची माहिती मिळत आहे. मुंढवा येथील सरकारी जागेची खरेदी करताना आयटी कंपन्याचे डेटा सेंटर उभारण्यासाठी घेतलेली मुद्रांक शुल्क माफी योग्य आहे. असा अमेडिया कंपनीने वकिलांमार्फत दावा केला असल्याची माहिती मिळत आहे.
या संदर्भात नोंदणी मुद्रांक शुल्क विभागाने कंपनीला २१ कोटींची मुद्रांक शुल्क भरण्याची पाठविलेली नोटीस कंपनीने अमान्य केली असून लेखी म्हणणे सादर केल्यानंतर येत्या आठवडाभरात यावर सुनावणी होणार आहे. या सुनावणीकडे सर्वांचे लक्ष लागले आहे.
Summery
अमेडिया कंपनीकडून मुद्रांक शुल्क भरायला नकार?
मुद्रांक शुल्क विभागाने पाठवलेली नोटीस कंपनीकडून अमान्य
लेखी म्हणणे सादर केल्यानंतर येत्या आठवडाभरात यावर सुनावणी होणार