आपल्या समाजात डॉक्टरांना (Doctor) मोठा दर्जा दिला जातो. तो जीवनाचा रक्षणकर्ता मानला जातो. अलीकडेच, कोरोना महामारीच्या काळात जगभरातील डॉक्टरांनी जीवाची पर्वा न करता पीडितांवर उपचार केले. आजचा दिवस म्हणजेच १ जुलै देशभरात डॉक्टर्स डे (National Doctor’s Day 2022) म्हणून साजरा केला जातो. जगभरात डॉक्टर्स डे आपआपल्या देशांमध्ये वेगवेगळ्या तारखेला साजरा केला जातो.

डॉक्टर्स डे कधी साजरा केला जातो?

भारतात, इंडियन मेडिकल असोसिएशन (IMA) द्वारे 1 जुलै रोजी 'राष्ट्रीय डॉक्टर्स डे' म्हणजेच डॉक्टर्स डे साजरा केला जातो. ही तारीख डॉ. बिधानचंद्र (Dr. Bidhan Chandra Roy) यांची जयंती म्हणून निवडण्यात आली.

डॉक्टर्स डेचा इतिहास

भारतात, आरोग्य क्षेत्रातील त्यांच्या योगदानाला आदरांजली वाहण्यासाठी डॉ. बिधानचंद्र रॉय यांच्या सन्मानार्थ 1 जुलै 1991 रोजी प्रथम राष्ट्रीय डॉक्टर दिन साजरा करण्यात आला. त्यांनी लोकांसाठी आपले जीवन योगदान दिले, अनेक लोकांवर उपचार केले आणि लाखो लोकांना प्रेरणा दिली. याशिवाय ते महात्मा गांधींचे (Mahatma Gandhi) वैयक्तिक चिकित्सकही होते. सन 1976 मध्ये, वैद्यकीय, विज्ञान, सार्वजनिक घडामोडी, तत्त्वज्ञान, कला आणि साहित्य या क्षेत्रात काम करणाऱ्या प्रतिष्ठित व्यक्तीला ओळखण्यासाठी बीसी रॉय राष्ट्रीय पुरस्काराची (BC Roy National Award) स्थापना करण्यात आली.

राष्ट्रीय डॉक्टर्स डे २०२२ ची थीम

दरवर्षी, राष्ट्रीय डॉक्टर दिनाचा उत्सव एका समर्पित थीमवर केंद्रित असतो. यावेळी राष्ट्रीय डॉक्टर दिन 2022 ची थीम 'फॅमिली डॉक्टर ऑन द फ्रंट लाईन' (Family Doctor on the front line) आहे.