पुणे : शहरातील सदाशिव पेठेमधील एका हॉटेलला भीषण आग लागली आहे. यामध्ये एका 6 वर्षीय मुलीचा होरपळून मृत्यू झाला आहे. यामुळे हळहळ व्यक्त करण्यात येत आहे.

सदाशिव पेठेतील भिकारदास मारुती जवळ एका हॉटेलमध्ये भीषण आग लागली. या घटनेची माहिती मिळताच अग्निशमन दलाचे 3 वाहने घटनास्थळी दाखल झाले असून 3 सिलेंडर बाहेर काढले आहेत. आगीवर नियंत्रण मिळविण्यात अग्निशामन दलाला यश आले आहे. परंतु, आगीमध्ये 6 वर्षीय चिमुकलीचा दुर्देवी मृत्यू झाला आहे. इकरा नयीम खान असं मृत्यू झालेल्या मुलीचं नाव आहे. दरम्यान, आगीचे कारण अद्याप अस्पष्ट आहे.