मुंबई -आग्रा महामार्गावर (Mumbai-Agra highway) नवीन कसारा घाटात (New Kasara Ghat) अपघात झाल्याची घटना घडली. या घटनेत सहा जण गंभीर जखमी झाले असून जखमींना उपचारासाठी कसारा येथील प्राथमिक आरोग्य केंद्रात दाखल करण्यात आले आहे.

मुंबई -आग्रा महामार्गावर (Mumbai-Agra highway) नवीन कसारा घाटात (New Kasara Ghat) नाशिक हुन मुंबईच्या दिशेने जाणाऱ्या ट्रेलरचा ब्रेक फेल झाल्याने त्याने समोरील इर्टीका गाडीला जोरदार धडक दिल्याची घटना घडली. सदर गाडी समोरील जाणाऱ्या ट्रॅव्हल्सवर आदळली. या दोन्ही गाड्यांचे मध्ये इर्टिका गाडी अडकल्याने त्या मधील 6 जणांना गंभीर दुखापत झाली आहे. या घटनेची माहिती मिळताच आपत्ती व्यवस्थापन ग्रुप व महामार्ग पोलीस यांनी तातडीने रुग्णवाहिका उपलब्ध करून अपघातग्रस्ताना मदत केली. त्यामुळे जखमींना उपचारासाठी कसारा येथील प्राथमिक आरोग्य केंद्रात दाखल करण्यात आले आहे.