थोडक्यात

• बीडमध्ये मुसळधार पाऊस

• बीडच्या नांदूर हवेली गावात 36 लोक पुराच्या पाण्यात अडकल्याची माहिती

• पुराच्या पाण्यात अडकलेल्या लोकांना बाहेर काढण्यासाठी  NDRF ची एक टीम दाखल

(Beed Heavy Rain) राज्यात अनेक ठिकाणी ढगाळ वातावरण कायम असलेले पाहायला मिळत असून काही दिवसांपासून पावसाने विश्रांती घेतली होती. तर काही ठिकाणी मुसळधार पाऊस पडत आहे. हवामान विभागाने विविध जिल्ह्यांत वादळी वाऱ्यांसह पावसाचा इशारा दिला आहे.

यातच आता पुन्हा पावसाला सुरुवात झाली आहे. जोरदार पावसाने हजेरी लावली आहे. गेल्या चार ते पाच दिवसांपासून सुरू असलेल्या पावसामुळे शेतकऱ्यांच्या फळबागा आणि पिकांचं मोठ्या प्रमाणात नुकसान झाल असून सरकारने तात्काळ पंचनामे करवे अशी मागणी शेतकऱ्यांनी केली आहे. मुसळधार पावसामुळे अनेक मुख्य रस्ते वाहतुकीसाठी बंद करण्यात आले आहेत.

यातच बीडच्या नांदूर हवेली गावात 36 लोक पुराच्या पाण्यात अडकल्याची माहिती मिळत आहे. या पुराच्या पाण्यात अडकलेल्या लोकांना बाहेर काढण्यासाठी  NDRF ची एक टीम दाखल झाली असून या टीममध्ये 30 लोक आहेत. सिंदफणा नदीला पूर आल्याने नांदूर हवेली परिसरात अडकून पडलेल्या एकूण 36 लोकांना काढण्यासाठी थोड्याच वेळात रेस्क्यू ऑपरेशन सुरू झालं आहे.