थोडक्यात
बाबा सिद्दीकींच्या पत्नीची मुंबई उच्च न्यायालयात धाव
चौकशीदरम्यान दिलेल्या जबाबाकडे कानाडोळा केल्याचा आरोप
11 नोव्हेंबरला सुनावणी होण्याची शक्यता
(Baba Siddique) बाबा सिद्दीकींच्या पत्नीने मुंबई उच्च न्यायालयात धाव घेतली आहे. बाबा सिद्दीकी यांची 12 ऑक्टोबर रोजी वांद्रे येथे गोळ्या झाडून हत्या करण्यात आली होती. याप्रकरणी पोलिसांनी आतापर्यंत अनेकांना अटक केली आहे.
या घटनेचा तपास देखील करण्यात येत आहे. याच पार्श्वभूमीवर आता बाबा सिद्दीक यांच्या पत्नीने मुंबई उच्च न्यायालयात धाव घेतली असून त्यांनी जी याचिका केली आहे त्यात त्यांनी मुंबई पोलिसांच्या तपासावर प्रश्नचिन्ह उपस्थित करण्यात आला आहे.
चौकशी दरम्यान दिलेल्या जबाबाकडे कानाडोळा केल्याचा आरोप बाबा सिद्दीकी यांच्या पत्नीने केला असून यासोबतच खरे गुन्हेगार पकडण्यात पोलिसांना अपयश आल्याचा आरोप त्यांनी याचिकेत केला असल्याची माहिती मिळत असून या घटनेचा तपास करण्यासाठी एसआयटीची स्थापन करण्याची मागणी त्यांच्या पत्नीने केली आहे.