अहमदनगर | पेट्रोल-डिझेल दरवाढीमुळे सर्वसामान्य हवालदिल झाले आहेत. जनता महागाईत होरपळत असताना दरवाढ सुरूच आहे.जनभावनांचा आदर करून शासनाने दरवाढ थांबविण्यासाठी पाठपुरावा करावा अशी मागणी राष्ट्रवादी काँग्रेसने केली.
पेट्रोल-डिझेल दरवाढीचा निषेध व्यक्त करण्यासाठी कोपरगाव शहरातील डॉ. बाबासाहेब आंबेडकर स्मारक पासून एस.जी विद्यालय, संभाजी महाराज स्मारक, अन्ना भाऊ साठे स्मारक, बस स्थानक ते तहसील कार्यालय सायकल रॅली काढण्यात आली.
तसेच केंद्र सरकार विरोधात घोषणा देण्यात आल्या. या वेळी राष्ट्रवादीच्या वतीने तहसीलदार बोरुडे यांना निवेदन देण्यात आले.