खालेद नाज, परभणी | अल्पसंख्याक मंत्री नवाब मलिक यांनी 1993 बॉम्ब स्फोटातील आरोपीकडून जमीन विकत घेतल्याचा आरोप विरोधी पक्षनेते देवेंद्र फडणवीस यांनी केली होती. या प्रकरणावरून भाजप कार्यकर्ते चांगलेच आक्रमक झाले असून या घटनेच्या निषेधार्थ परभणीत भाजपा कार्यकर्त्यानी नवाब मलिकांच्या प्रतिकात्मक पुतळ्याला जोडे मारून पुतळ्याचे दहन केले.

विरोधी पक्षनेते देवेंद्र फडणवीस यांनी आज मुंबई येथे पत्रकार परिषद घेत राज्याचे अल्पसंख्याक मंत्री तथा परभणीचे पालकमंत्री नवाब मालिकांचे अंडरवर्ल्ड सोबत संबंध असल्याचे आरोप केले. तसेच नवाब मालिकांचे 1993 बॉम्ब स्फोटातील दोषी असलेला सरदार शाह वली खान व सलीम पटेल यांच्यात असलेले व्यवहारीक संबंध देशद्रोह्या सोबत असल्याच्या निषेधार्थ परभणीत भाजप कार्यकर्ते आक्रमक झाले होते. यावेळी मुंबई बॉम्ब स्फोटातील आरोपीकडून जमीन विकत घेतल्याच्या निषेधार्थ परभणीत भाजपा कार्यकर्त्यानी नवाब मलिकांच्या प्रतिकात्मक पुतळ्याला जोडे मारून पुतळ्याचे दहन केले . तसेच नवाब मलिक जर परभणी दौऱ्यावर आल्यावर त्यांना काळ फासले जाईल अशी चेतावनी भाजप कार्यकर्त्यानी दिली आहे.