थोडक्यात

• संभाव्य दुबार मतदारांची तपासणी करा

• राज्य निवडणूक आयोगाचे मतदार याद्यांबाबत आदेश

• दुबार मतदारांना शोधून अर्ज भरून घेतला जाणार

(Election Commission) स्थानिक स्वराज्य संस्थांच्या निवडणुकांसाठी राज्य निवडणूक आयोगाकडून जोरदार तयारी सुरू आहे. स्थानिक स्वराज्य संस्थांच्या निवडणुकांसाठी सर्वच राजकीय पक्ष जोरदार तयारीला लागले आहेत.

याच पार्श्वभूमीवर आता 'संभाव्य दुबार मतदारांची तपासणी करा' असा राज्य निवडणूक आयोगाकडून मतदार याद्यांबाबत आदेश देण्यात आल्याची माहिती मिळत आहे.

दुबार मतदारांना शोधून ते कोणत्या मतदार संघात मतदान करणार याबाबत विहित नमुन्यात अर्ज भरून घेतला जाणार असल्याची माहिती मिळत असून एकीकडे मतदार याद्यातील घोळ यासंदर्भात महाविकास आघाडी आणि संयुक्त पक्ष मोर्चा काढणार, तर दुसरीकडे राज्य निवडणूक आयोगानेही पाऊले उचलली असल्याचे पाहायला मिळत आहे.