शिवराज्याभिषेक दिनानिमित्त छत्रपती संभाजीराजे यांनी रायगडावर शिवाजी महाराजांना अभिषेक केला. यावेळी पारंपारिक पूजाअर्चा केल्यानंतर संभाजीराजे यांनी पत्रकारांशी संवाद साधला. मराठा आरक्षणासंदर्भात बोलताना, राज्यात आरक्षणासाठी मराठ्यांची तिसरी लाट येणार असल्याचे संभाजीराजे यांनी सांगितले. १६ जूनला कोल्हापुरात मोर्चा निघणार असल्याची घोषणा त्यांनी यावेळी केली. मराठा समाजाला न्याय देण्याची मागणी छत्रपतींनी राज्य सरकारला केली.