धारावीतील शाहू नगरमध्ये घरात गॅस सिलिंडरचा स्फोट होऊन आग लागल्याची घटना घडली. या दुर्घटनेत जवळपास 14 जण जखमी झाले आहेत. जखमींना उपचारांसाठी सायन रुग्णालयात दाखल करण्यात आलं आहे. धारावीतील शाहू नगरमध्ये मुबारक हॉटेलच्यासमोर असलेल्या एका घरात हा स्फोट झाला.

स्फोटामुळे 14 जण जखमी झाले आहेत. जखमींना उपचारासाठी सायन रुग्णालयात दाखल करण्यात आले आहे. 14 पैकी दोन जण जवळपास 70 टक्के भाजल्याचे सांगण्यात येत आहे. तर बाकीचे किरकोळ जखमी झाले आहेत.

दरम्यान, अग्निशमन दलाच्या जवानांना आगीची माहिती मिळताच, त्यांनी घटनास्थळी धाव घेऊन आगीवर नियंत्रण मिळविण्याचे काम हाती घेतले. दोन फायर इंजिन, एक जंबो वॉटर टँकरच्या सहाय्याने आग आटोक्यात आणण्यास अग्निशमन दलाचे जवान प्रयत्न करत आहेत. सायन रुग्णालयातील जखमींना महापौर किशोरी पेडणेकर भेट देण्यासाठी पोहोचल्या आहेत.