पुणे : पुणे लोहगाव विमानतळाच्या भिंतीनजीक स्फोट झाल्याची घटना घडली आहे. एकामागोमाग एक तब्बल १० सिलेंडरचे स्फोट झाल्याने परिसर हादरला असून याठिकाणी आणखीन ५० सिलेंडर असल्याची माहिती मिळत आहे. या घटनेची माहिती मिळताच दलाच्या गाड्या घटनास्थळावर दाखल झाल्या आहे.
माहितीनुसार, पुण्यातील लोहगाव विमानतळ भिंतीलगत असलेल्या होरिजन डेव्हलपर यांची कन्स्ट्रक्शन साइटच्या मागील बाजूस असलेल्या दीपक देवकर यांची मोकळी जागा आहे. या जागेत पत्राच्या शेडमध्ये अनधिकृतपणे गॅस सिलेंडरचा साठा होता. त्या ठिकाणी आज दुपारी काही सिलेंडरचा स्फोट झाला होता. यामध्ये 10 सिलेंडरचे स्फोट झाल्याने परिसरात घबराट पसरली होती. अग्निमशन दलाकडून तातडीनं यावर नियंत्रण मिळवण्यात आले. सदर घटनेमध्ये कोणीही जखमी नाही तसेच कोणतीही जीवितहानी झालेली नाही. पणं, अनधिकृतपणे सिलेंडरचा साठा केल्याचं समोर आले आहे, अशी माहिती अग्निशमन दलाकडून देण्यात आली आहे.