राष्ट्रवादीचे सर्वेसर्वा शरद पवार (Sharad Pawar) यांच्या निवासस्थानी झालेल्या हल्ल्याप्रकरणी आता मोठी कारवाई करण्यात आली आहे. DCP झोन २ योगेश कुमार (Yogesh Kumar) यांना त्यांच्या पदावरून हटवण्यात आले आहे. आक्रमक आंदोलनवेळी अपयशी ठरल्याचा ठपका ठेवत त्यांच्यावर ही कारवाई करण्यात आली आहे.

https://twitter.com/ANI/status/1512818193051504644शुक्रवारी शरद पवार (Sharad Pawar) यांच्या निवासस्थानी संपकरी एसटी कर्मचारी (St Strike) यांनी चप्पलफेक व दगडफेक करत आंदोलन केले होते. या आंदोलनावेळी मोठा राडा झाला होता. आक्रमक आंदोलनवेळी अपयशी ठरल्याचा ठपका ठेवत DCP झोन २ योगेश कुमार (Yogesh Kumar) यांना त्यांच्या पदावरून हटवण्यात आले आहे. पोलीस सहआयुक्त (कायदा व सुव्यवस्था) विश्वास नागरे पाटील यांनी ही कारवाई केली आहे. तर योगेश कुमार यांच्या जागी डीसीपी, डिटेक्शन, नीलोत्पल यांना झोन II चा प्रभार देण्यात आला आहे.