राष्ट्रवादी काँग्रेस पक्षाचे विधानपरिषद आमदार सतीश चव्हाण यांच्या नेतृत्वाखाली महाविकास आघाडीला विद्यार्थी उत्कर्ष पॅनेलच्या माध्यमातून डॉ. बाबासाहेब आंबेडकर मराठवाडा विद्यापीठाच्या पदवीधर अधिसभेच्या (सिनेट) निवडणुकीत दहा पैकी नऊ जागांवर झेंडा फडकवण्यात यश आले.

यामध्ये राष्ट्रवादी काँग्रेस पक्षाचे डॉ. नरेंद्र काळे (प्रदेश उपाध्यक्ष राष्ट्रवादी काँगेस पार्टी), प्रा. सुनील मगरे (प्रदेश कार्याध्यक्ष, राष्ट्रवादी सामाजिक न्याय विभाग), अ‍ॅड. सुभाष राऊत (मराठवाडा विभागीय अध्यक्ष, समता परीषद), अ‍ॅड. दत्ता भांगे ( माजी राष्ट्रवादी युवक काँग्रेस औरंगाबाद शहर जिल्हा अध्यक्ष) एसटी संवर्गातून सुनील निकम, ओबीसी संवर्गातून सुभाष राऊत, व्हीजेएनटी संवर्गातून दत्तात्रेय भांगे आणि महिला संवर्गातून पुनम पाटील विजयी झाले आहेत.